MATNDAN KORPUSGA: O‘ZBEK SHE’RIYATI MUALLIFLIK KORPUSINI YARATISHDAGI METODOLOGIK MUAMMOLAR

Аннотация

Mazkur maqolada o‘zbek she’riyati mualliflik korpusini yaratish jarayonida yuzaga keladigan metodologik muammolar tizimli ravishda tahlil qilingan. Poetik matnlar oddiy matnlar to‘plami sifatida emas, balki murakkab, ko‘p qatlamli til materiali sifatida talqin qilinadi. Tadqiqotda poetik korpus yaratishning asosiy muammolari – matn chegarasini aniqlash, janr aralashuvi, mualliflik masalasi, xronologik noaniqlik hamda ortiqcha elementlar muammosi batafsil yoritiladi. Shuningdek, ushbu muammolarni hal etish uchun filtrlash, normalizatsiya, annotatsiya va muvozanatlashga asoslangan konseptual model taklif etiladi. Tadqiqot natijalari poetik korpusni shakllantirish jarayonini standartlashtirish, uning reprezentativligini oshirish va keyingi lingvostatistik hamda stilistik tahlillar uchun ishonchli empirik asos yaratishga xizmat qiladi.